डोगरी संस्था, जम्मू दी कार्यकारणी दी बैठक 28-03-18 गी डोगरी भवन, कर्ण नगर जम्मू च होई। बैठक च संस्था दे प्रधान प्रो. ललित मगोत्रा होरें औह्देदारें ते कार्यकारणी दे सदस्यें गी सौंपे गेदे बक्ख-बक्ख कम्में दा जायजा लैता ते प्रधान होरें कम्में दी सराह्ना करदे होई आक्खेआ जे कम्म संदोखजनक होआ दा ऐ ते अग्गै बी सद्स्यें कोला इ’यै मींद ऐ। जे ओह् पूरी लगन ते मेहनत कन्नै सौंपे गेदे कम्मै गी तोड़ चाढ़ने च पूरा सैह्जोग करङन तां गै समें उप्पर कम्म पूरा होई सकग। कार्यकारणी दी बैठक च सर्वसम्मति कन्नै अज्ज छे नमें सदस्यें गी डोगरी संस्था दी सदस्यता दिती गेई। जि’नेंगी डोगरी संस्था दी सदस्यता दिती गेई उं’दे नांऽ इस चाल्ली न: 1. श्री शैलेंद्र सिंह, 2. श्रीमती प्रोमिला मन्हास, 3. श्री जगदीप दुबे, 4. प्रो. राजकुमार, 5. प्रो. जोगिन्दर सिंह ते 6. डॉ. भारत भूषण।

Working Committee Meeting