अज्ज डोगरी संस्था आसेआ पंदरां रोजा कवि-गोश्ठी दा अजोजन डोगरी भवन कर्ण नगर जम्मू च कीता गेआ। कार्यक्रम दी प्रधानता संस्था दे उप-प्रधान श्री ज्ञानेश्वर शर्मा होरें कीती ते चेचे परौह्ने इस ब’रे दे साहित्य अकादमी अवार्ड विजेता श्री इंदर जीत केसर होर हे। कार्यक्रम दे शुरू च बक्ख-बक्ख खेतरें च उं’दे बेहतरीन योगदान आस्तै जि’नें डोगरी साहित्यकारें ते कलाकारें गी 26 जनवरी दे मौक़े उप्पर अवार्डें कन्नै नवाजेआ गेआ, उ’नेंगी डोगरी संस्था आसेआ मबारख दित्ती गेई । सम्मानत होने आह्लें च शामल न:-
1. नरसिंह देव जम्वाल–पद्मश्री,
2. जितेंद्र उधमपुरी-लाइफ़ टाइम अचीवमैंट अवार्ड
3. शिवदेव सिंह ‘सुशील’-स्टेट अवार्ड
4. शैलेंद्र सिंह-प्रेज़िडैंट पोलीस मैडल
5. धर्मेश नरगोत्रा-स्टेट अवार्ड ।
हिंदी भाशा दी मन्नी-परमन्नी दी लेखिका कृष्णा सोबती हुंदे नेईं रौह्ने पर उ’नेंगी भावभीनी श्रद्धांजलि बी दित्ती गेई।
कार्यक्रम च आए दे बक्ख-बक्ख भाशाएं दे कवियें अपनियां कवितां पढ़ियै समां ब’न्नी दित्ता। जि’नें कवियें अपनियें रचनाएं दा पाठ कीता, उं’दे नांऽ ते उं’दियें रचनाएं दे शीर्शक न–
1. एम. एस. कामरा -मान
2. रत्न सहगल – रस
3. अब्दुल क़ादिर कुंडरिया -26 जनवरी,
4. अशोक खजूरिया -मेरा धर्म,
5. कृष्ण लाल ‘मस्त’ -मिगी पता नेईं चलेआ, आत्मा- परमात्मा,
6. रंधीर सिंह रायपुरिया- जंग लड़नी छड़ी नेईं, ते गीत
7. डॉ. चंचल भसीन -भलेखा,
8. सुशील बगान्ना -तेरे फसाने,
9. इंदर जीत केसर -हामी
10. ज्ञानेश्वर शर्मा -दो गीत।
कार्यक्रम दा सफल संचालन संस्था दे साहित्य मंत्री सुशील बगान्ना होरें ते आए दे परौह्ने दा धन्नवाद संस्था दे प्रधान प्रो. ललित मगोत्रा होरें कीता।
