कार्यक्रम: डोगरी मानता-ध्याड़ा

डोगरी संस्था, जम्मू पासेआ अज्ज डोगरी मानता-ध्याड़ा डोगरी भवन, कर्ण नगर जम्मू च, शामीं 7:30 बजे बड़े उत्साह् ते जोश कन्नै मनाया गेआ । इस निक्के नेहे पर रोचक कार्यक्रम च संस्था दे सदस्यें, साहित्यकारें, कलाकारें, किट्ठे होइयै संस्था दे भवन च दीपमाला कीती, मठेआइयां बंडियां ते सभनें दा मूंह् मिट्ठा करोआया। इस कार्यक्रम च श्रीमती विजया ठाकुर होरें गीत गाइयै ते श्रीमती प्रोमिला मन्हास होरें भाख गाइयै समां ब’न्नी दित्ता। संस्था दे प्रधान प्रो. ललित मगोत्रा ते अब्दुल क़ादिर कुंडरिया होरें कवितां सुनाइयां । इस मौके उप्पर प्रो. वीणा गुप्ता, प्रो. शशि पठानिया, डॉ. निर्मल विनोद, प्रो. विजय सराफ मेनागी, श्री सुशील बेगाना, श्री चमन अरोड़ा, श्री इंद्रजीत केसर, डॉ. बंसी लाल शर्मा, श्री पवन वर्मा, डॉ. अंजु रानी, श्री राजकुमार बहरूपिया, डॉ. चंचल भसीन, श्री देवेंद्र सिंह जसरोटिया आदि भी शामल हे।